Dokumenti i knjige o drugom svetskom ratu na teritoriji Jugoslavije i povezanim zbivanjima
◀ Poezija NOB
Drago Gervais - Kmet se je stal
Prišal je glas
velik i svet:
»Stani se kmet,
sada je čas.«
Prišal je glas
i kako strel
zemju preletel.
I pokle stotine let
sopet se dignul je kmet.
Za zemju i pravicu,
za svoju starinu,
za svoju dečicu
i za domovinu.
I kade mu noga je hodila
sve je zdrobila,
i kade je pesnica udrila
niš ni pustila.
A zajedno s njin su seni hođile
milijuni seni njegoveh stareh,
ki su ovde živeli,
se mučili i trpeli,
zemju kopali,
s krvun natapali
i robovali.
Svu je zemju pasal,
a onput velik i jak
ponosit je na Učke stal.
I glas je njegov zagrmel:
»Ja, istrijanski kmet
svoju zemju san zel.
I joh onemu
ki sopet bi zet mi ju tel.«
Članovi narodno-oslobodilačkog odbora za Istru