Dokumenti i knjige o drugom svetskom ratu na teritoriji Jugoslavije i povezanim zbivanjima
◀ Poezija NOB
Drago Gervais - Istarski partizan
Bog, mat moja, ja moran poć
će skoro mrak, će skoro noć,
i čeka me vane Ivan,
zač on je stari partizan.
Ti čuvaj kuću, potrpi,
a za mene se ne skrbi,
ću sopet ja ti doma prit,
kad ću zemju oslobodit. -
- Hod, sine, hod, va noć, va mrak,
i čuvaj zdravje, budi jak,
i se nevoji podnesi,
i kod čovek se ponesi.
I ćaću našeg osveti,
ubili su ga prokjeti,
i brata, ki te je ljubil,
i mlad za njih život zgubil.
Ću čuvat kuću, se strpet,
i čekat ću te, potrpet,
zač mora prit on veli dan,
kad ćeš vrnut se partizan.
Će slobodna zemja nan bit,
i ti ćeš ju pomoć spasit.
Još samo to da j’ doživet,
ću onput lagje ja umret.
Hod’, sine, hod’, va mrak, va noć
i ja bin tela s tobun poć,
ma stara san. - Zove Ivan -
- Bog, sine moj, bog, partizan.
Kolona boraca 3. istarske brigade, 1944.